Tusagassiorfitsigut Politikerit nuimasut akileraartartut aningaasaataannik umiatsiaaqqanik pisisut qulequtsiullugu saqqummiussisoqarnerata kingunerisaanik Inatsisartut kukkunersiuinermut Ataatsimiisitaliaat Aalisarnermut, Piniarnermut Nunalerinermullu Naalakkersuisumut apeqquteqarpoq.

Allaaserisaq aalisarnermut aningaasaliissutinut immikkoortitat pillugit Inatsisartut inatsisaat nr. 15, 20. november 2006-imeersoq kingorna allanngortinneqarsimasoq malillugu angallatinik 6 meterit sinnerlugit angissusilinnik pisiniarnermut tapiissutisisarnermut tunngassuteqarpoq.

Aalisarnermut, Piniarnermut Nunalerinermullu Naalakkersuisoqarfimmi tapiissuteqartarnermik aaqqissuussinernik aqutsineq pillugu misissuinermik annertunerusumik Naalakkersuisut aallartitsisimanerat ataatsimiisitaliamit iluarisimaarneqarpoq.

Aalisarnermut, Piniarnermut Nunalerinermullu Naalakkersuisumit ataatsimiititaliamut akissutitigut paasissutissiissutigineqartut tunngavigalugit Kukkunersiuinermut Ataatsimiisitaliaq isumaqarpoq, ingerlatsinermi assigiinngisitsisoqarneranik isumaqarnissamut ataatsimiititaliaq maannakkut tunngavissaqanngitsoq.

Ingerlatsinermik misissuineq pillugu nalunaarusiap inernera Kukkunersiuinermut Ataatsimiititaliamit utaqqimaarniarneqarpoq, taannalu tiguneqartinnagu suliami iliuseqartoqaqqinnissaa naatsorsuutigineqanngilaq.

Ataatsimiititaliaq sinnerlugu

Erik Jensen

Kukkunersiuinermut Ataatsimiititaliap siulittaasua

Mobil: (+299) 530408