Ulloq 11. marts 2025 Inatsisartunut qinersisoqarnerata kingorna Inatsisartut ulloq 7. april 2025 inissitsiterlutik ataatsimiipput, tamatumani Inatsisartut pilersinneqaqqipput nutaamik siulittaasulerlutik, siulittaasoqarfilerlutik ataatsimiititaliallu aqqaneq marluk nutaamik katiterneqarlutik.

2025-mi inissitsiterfiusumik ataatsimiinnermi (INA2025-mi) oqaluuserisassat Inatsisartut oqaluuserisassanut ataatsimiititaliarigallagaata maanna aalajangersarsimalerpai.

Inatsisartut oqaluuserisassanut ataatsimiititaliarigallagaata maanna 2025-mi inissitsiterfiusumik ataatsimiinneq qaqugu pissanersoq ulluleqqammerpaa.

Nunat Avannarliit Siunnersuisoqatigiiffiata siulittaasoqarfia inuiannik kalaallinik taakkulu saneqqunneqarsinnaanngitsumik namminneq nunaminnut siunissaminnullu sanioqqunneqarsinnaanngitsumik aalajangiisinnaassuseqarnerannik sakkortuumik piumasaqaatitaqanngitsumillu tapersiivoq. Tamanna inuiaqatigiit namminersortut akornanni inatsiseqartitsinermi tunngaviuvoq saneqqunneqarsinnaanngitsoq.

Kalaallit Nunaata ulluni makkunani soqutigineqarnera piffissami matumani tusagassiortunit, Inatsisartuni ataatsimiititalianit, ataatsimiititaliat siulittaasuinik ataatsimiititalianulluunniit ilaasortanik oqaaseqartitserusuttunit, saaffiginnissuterpassuarnik malitseqarsimavoq.

Inatsisartut Siulittaasuat Savalimmiuni inatsisartut Lagtingip siulittaasuanit Bjørt Samuelsenimit ulluni 10. – 13. februar 2025 tikeraarteqarpoq. Tikeraarnissaq tamannalu eqqarsaatigalugu pisussat qinersinissap nalunaarutigineqarnera sioqqullugu pilersaarutaasimapput.