Oqaluuserisassat oqaluuserineqarfissaasalu ullui
2020-imi Upernaakkut Ataatsimiinneq
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5x
Partiit siuttuisa apeqqarissaarnerat.
Nal. 10:00-imiit 13:00-imut apeqquteqarfissaq.
Nal. 10:00-imiit 13:00-imut apeqquteqarfissaq.
Imm./pkt.: 1
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq.
Inatsisartut Siulittaasoqarfiat
Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq. (Matoqqasumik ataatsimiinneq)
Inatsisartut Siulittaasoqarfiat
Imm./pkt.: 8
Inatsisartut ilassutitut aningaasaliissutinut inatsisissaannut siunnersuut 2019.
Aningaasaqarnermut Aatsitassanullu Naalakkersuisoq
Imm./pkt.: 9
Inatsisartut Ombudsmandiannut taartaasartussamik qinersineq.
Inatsisinut Ataatsimiititaliaq
Imm./pkt.: 10
Aningaasaqarnikkut Ingerlatsineq pillugu Nalunaarut 2020.
Aningaasaqarnermut Aatsitassanullu Naalakkersuisoq
Imm./pkt.: 12
2021-mi akileraarutitigut ilanngaatissat il.il. imatut annertussusilerneqarnissaannik Inatsisartut aalajangiiffigisassaattut siunnersuut:
1. Inummut ilanngaat.............................................................kr. 48.000 (ukiumut)
2. Ilanngaat aalajangersimasoq............................................kr. 10.000 (ukiumut)
3. Aningaasarsiat B-t akileraaruteqaataasussaanngitsut...kr. 5.000 (ukiumut)
4. Killilimmik akileraartussaatitaasunut ilanngaat……....kr. 1.000 (ukiumut)
5. Kommuninut ataatsimut akileraarut........................................6%
1. Inummut ilanngaat.............................................................kr. 48.000 (ukiumut)
2. Ilanngaat aalajangersimasoq............................................kr. 10.000 (ukiumut)
3. Aningaasarsiat B-t akileraaruteqaataasussaanngitsut...kr. 5.000 (ukiumut)
4. Killilimmik akileraartussaatitaasunut ilanngaat……....kr. 1.000 (ukiumut)
5. Kommuninut ataatsimut akileraarut........................................6%
Aningaasaqarnermut Aatsitassanullu Naalakkersuisoq
Imm./pkt.: 16
Imm./pkt.: 23
Uunga siunnersuut: Piniarneq aallaaniarnerlu pillugit Inatsisartut inatsisaat nr. xx, xx. xxx 2019-imeersoq.
Aalisarnermut, Piniarnermut Nunalerinermullu Naalakkersuisoq
Imm./pkt.: 25
Siull. 15/10-2019
Aappass. UKA 2020
Pingajuss. UKA 2020
Aappass. UKA 2020
Pingajuss. UKA 2020
Uunga siunnersuut: Ilinniartut sungiusartullu atorfinitsinnerini suliffiit pisortanilu oqartussat inuiaqatigiinni akisussaaffeqarnerat pillugu Inatsisartut inatsisaat nr. xx, xx. xxx 2019-imeersoq.
Aatsitassanut Suliffeqarnermullu Naalakkersuisoq
Imm./pkt.: 28
Siull. 13/11-2019
Aappassaaneerinninnermi allannguutissatut siunnersuut Ataatsimiititaliamit amerlanerussuteqartunit saqqummiunneqartoq akeruineqarpoq.
Inuussutissarsiutigalugu aalisarnikkut angallateeqqanik kvoteqartussanik minnerpaaffiliinissami takissuseq 9 meter aallaavigalugu pitsaaqutinik ajoqutinillu nassuiaateqaqqullugit ukiuni 12 ikaarsaariarfeqartillugit Naalakkersuisut nalunaarusioqqullugit peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Henrik Fleischer, Siumut
Imm./pkt.: 33
Siull. 15/10-2019
Imm. 33 aamma 53 ataatsimut siullermeerneqarput.
Aappassaaneerinninnermi allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq.
Aappassaaneerinninnermi allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq.
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaanni §9 imm. 1 allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Taamaalilluni meeqqat illugiimmik angajoqqaallit, tamarmik sulisimappata imaluunniit ilinniartuuppata, kommunep ulluunerani paaqqinniffiinut ulluuneranilu paarsisarfinnut utaqqisut allattorsimaffianni meeqqanut kisimiittunik angajoqqaalinnut sulisimappata imaluunniit ilinniartuuppata assigiimmik pineqarnissaat angujumallugu.
(Siumup Inatsisartunut ilaasortaatitai)
Imm./pkt.: 35
Siull. 7/11-201
Naalagaaffiit Peqatigiit (NP) Meeqqat pillugit Isumaqatigiissutaata tamarmiusup Kalaallit Nunaanni tamarmi atuutsinneqarlernissaa anguniarlugu aammalu Meeqqat Illersuisuata inassuteqaataanut matumunnga aalajangiiffigisassatut siunnersuummut ilanngussatut ilaatinneqartunut naammassinnittumik ingerlaasissamik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
(Siumup Inatsisartunut ilaasortaatitai)
Imm./pkt.: 36
Nunatsinni illersornissamut politikkimut, naalagaaffiup isumannaatsuunissaanut politikkimut, nunanullu allanut politikkimut qanoq ililluta oqartussaaqataanerunissarput anguniarsinnaaneripput pillugu apeqquteqaat aallaavigalugu oqallinnissamik siunnersuut.
Demokraatit Inatsisartuni gruppiat
Imm./pkt.: 38
Kommuninik aaqqissuusseqqinneq nalilersortariaqalernera pillugu apeqquteqaat aallaavigalugu oqallisissiaq.
(Inatsisartunut ilaasortaq Aqqalu C. Jerimiassen, Atassut)
Imm./pkt.: 43
Pissutsit immikkut ittut inuiaqatigiinnut kalaallinut immikkut pingaarutillit (Covid-19 pissutsit) pillugit Naalakkersuisut Siulittaasuanit nassuiaat.
Naalakkersuisut Siulittaasuat
Imm./pkt.: 44
Siull. 18/11-2019
Aappass. UKA 2020
Aappass. UKA 2020
Itilliarsummi ikerasaliortoqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Stine Egede, Inuit Ataqatigiit
Imm./pkt.: 45
Kalaallit Nunaanni tamat oqartussaanerata innuttaasunillu peqataatitsinerup killiffia naammaginartumik inissisimanersoq pillugu apeqquteqaat aallaavigalugu oqallinnissamik siunnersuut.
Inuit Ataqatigiit Inatsisartuni
Imm./pkt.: 51
Siull. 6/11-2019
Apersortittoqartillugu, akunnaallisoortoqartillugu, katittoqartillugu ataasiartumik immikkut matoqqasumik aaqqissuussinissamut imigassanik kimittuunik kimikittunillu neriniartarfinni, imerniartarfinni, akunnittarfinni il.il. ulluni sapaammiik sisamanngornermut ullaassakkut nalunaaqutaq 04.00 sassaalliinissamut qinnuteqartoqarsinnaanngornissaa anguniarlugu imigassamut inatsismmut allannguutissamik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. (Tassani ilaassapput ukiuni 25-ni, ukiuni 50-ni katiffissiornerit il.il.) peqatigiiffiit nalliuttorsiorneri, siulersuisut ataatsimiinneri, Inatsisartunut qinersineq, kommunalbestyrelsinut qinersineq il.il.
Inatsisartunut ilaasortaq Malene Vahl Rasmussen, Demokraatit
Imm./pkt.: 53
Siull. 15/10-2019
Imm. 33 aamma 53 ataatsimut siullermeerneqarput.
Aappassaaneerinninnermi allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq.
Aappassaaneerinninnermi allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq.
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaat allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Inatsisip allanngortinneratigut qulakkeerneqassaaq, kalaallit nunani allani ilinniartut qitornaasa kommunip meeqqeriviutaanut ulluuneraniluunniit angerlarsimaffinni paaqqinnittarfinnut utaqqisunut allanut naleqqiullugu sallinngortinneqartalernissaat ilinniartup Kalaallit Nunaanni sullivimmi imaluunniit oqartussaaffiit arlaanni sulilernissaminut isumaqatigiissuteqarluni takutissinnaappagu.
Inatsisartunut ilaasortaq Malene Vahl Rasmussen, Demokraatit
Imm./pkt.: 56
Siull. 23/10-2018
Aappass. UKA 2020
Aappass. UKA 2020
Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaat allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, maannakkut periuseq imatut allanngortillugu, partiit Inatsisartuni sinniisuutitaqartut tunngaviusumik 850.000 koruuninik tapiissummik pisalersillugit kiisalu kingullermik Inatsisartunut qinersinerup inernera tunngavigalugu taasinermut ataatsimut 200 koruuninik pisalersillugit. Attaviitsut taasinermut ataatsimut 200 koruuninik ukiumut tapiissutisisalersinneqassapput agguaqatigiisitsineq 1/31 atorlugu kiisalu taasinerit tamarmiusut tunngavigalugit. Allannguineq atulersinneqassaaq ulloq 1. januaari 2019 aallarnerfigalugu.
Inatsisartunut ilaasortaq Randi Vestergaard Evaldsen, Demokraatit
Imm./pkt.: 72
Siull. 9/10-2019
Aappassaaneerinninnermi allannguutissatut siunnersuut Ilaqutariinnermut Peqqissutsimullu Ataatsimiititaliamit isumaqatigiittumit saqqummiunneqartoq akuerineqarpoq.
Kalaallit Nunaanni Piartortut najugaqarfissaannik Naalakkersuisut pilersitsinissaq anguniarlugu suliaqarnissamik peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Napãtôk´, Partii Naleraq
Imm./pkt.: 73
Soraarnerussutisiaqalernissamut aaqqissuussinermut pinngitsoorani ilaanissaq pillugu apeqquteqaat aallaavigalugu oqallinnissamik siunnersuut.
Inatsisartunut ilaasortat Hans Enoksen, Pele Broberg, Jens Napãtôq, Partii Naleraq
Imm./pkt.: 87
Siull. 6/11-2019
Aappassaaneerinninnermi allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq.
Inatsisartut inatsisaanni Inatsimmut § 2, stk. 1 ”nipilersornermi tunisassiornerup” ilassuteqaatigineqarnissaa pillugu Naalakkersuisut siunnersuuteqaqqullugit peqquneqarnissaannut Inatsisartuni aalajangiiffigisassatut siunnersuut, nunami inuutissarsiornerup siuarsarneqarnissaanut atatillugu nipilersornermi tunisassioriaatsip siuarsarneqarnissaa anguniarlugu matumani nipilersortartut inatsisitigut illersugaasumik atuisinnaanissaat anguniarlugu inuussutissarsiornermi aningaasaliiffigineqarnissamut periarfissaqarnerannut ersarissaanerussaaq.
Inatsisartunut ilaasortaq Aqqalu C. Jerimiassen, Atassut
Imm./pkt.: 95
(Imm. 193 aamma 95 ataqatigiisillugit suliarineqassapput)
Peqqinnissamut, suliniuteqarnissamut aningaasaqarnikkullu tunngasutigut qanoq ililluta Corona-virusimut nutaamut siammasissumik tunngavilersukkamik, qaffasissumillu periusissamik qulakkeerinninnissatsinnut oqallisissatut siunnersuut.
Inatsisartunut ilaasortaq Tillie Martinussen, Suleqatigiissitsisut
Imm./pkt.: 108
Sul. UKA 2020
Qassusersorluni qaleraliniarsinnaanermut piffissaliussaq atuutsinneqartoq allanngortariaqarneranik apeqquteqaat aallaavigalugu Inatsisartut oqallinnissaannik siunnersuut.
Inatsisartunut ilaasortaq Aleqa Hammond, Nunatta Qitornai
Imm./pkt.: 123
Siull. 3/4 - 2019
Naalakkersuisut kingusinnerpaamik UPA2020-imut Aasianni annertuumik innarluutillit angerlarsimaffiannik pilersitsinissaminnut pilersaarusioqqullugit peqquneqarnissaanik siunnersuut.
Inatsisartunut ilaasortaq Stine Egede, Inuit Ataqatigiit
Imm./pkt.: 138
Siull. 18/10-2019
Aappassaaneerinninnermi allannguutissatut siunnersuut Naalakkersuisunit saqqummiunneqartoq itigartinneqarpoq.
Kinguaassiuutitigut meeqqanik atornerluisoqarsimatillugu pineqaatissiisarnerup sakkortusinissaanik Nunatsinni unnerluussisussaatitaasut kaammattorneqarnissaat siunertaralugu Naalagaaffeqatigiinnermi oqartussaasut saaffigineqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Sofia Geisler, Inuit Ataqatigiit
Imm./pkt.: 149
Siull. 2/10-2019
Politiit Paasiniaasartui (PET) pillugit inatsisip Kalaallit Nunaanni atulersinneqarnissaa pillugu peqqussummut missingiummut Namminersorlutik Oqartussat akuersinissaat pillugu Inatsisartut aalajangiiffigisassaattut siunnersuut.
Peqqissutsimut, Isumaginninnermut Inatsisinillu Atuutsitsinermut Naalakkersuisoq
Imm./pkt.: 150
Siull. 8/10-2019
Kalaallit Nunaanni pinerluttulerinermi inatsisip allanngortinneqarnera pillugu siunnersuummut missingiut pillugu Namminersorlutik Oqartussat akuersissuteqarnissaat pillugu inatsisartut aalajangiiffigisassaattut siunnersuut (Illoqarfimmi illuliorfiusimasumi illuinnarsuutinik eqqunngitsumik iginnerup pinerluutinngortinneqarnera, takunnissimasunik illersuinerup annertusinera, inip nakkutilliiffiusup atorneranut piumasaqaatinik iluarsiineq il.il.)
Peqqissutsimut, Isumaginninnermut Inatsisinillu Atuutsitsinermut Naalakkersuisoq
Imm./pkt.: 151
Siull. 3/10-2019
Uunga siunnersuut: Nukissamik pilersuineq pillugu Inatsisartut peqqussutaata allanngortinneqarnera pillugu Inatsisartut inatsisaat nr. xx, xx. xxx 2019-imeersoq. (Innaallagiamik aamma ungasianiik pilersuineq pillugu sullissinissamut isumaqatigiissuteqarneq)
Inuussutissarsiornermut Nukissiuuteqarnermut Ilisimatusarnermullu Naalakkersuisoq
Imm./pkt.: 165
Siull. UKA 2020
Aappass. UKA 2020
Aappass. UKA 2020
Nunat Avannarliit Killiit Siunnersuisoqatigiiffiata Savalimmiuni, Kalaallit Nunaanni Islandimilu Naalakkersuisunut kaammattuutigaa suleqatigiillutik suleqatigiissitamik nunat avannarliit killiit niperujoorutaannik erinarsuutaannillu nuutilersukkanik saqqummersitsinissamut katersuisussamik ilisimasalinnik susassaqartunik ilaasortalimmik pilersitseqqullugit. Nunani pingasuni taamatut saqqummersitsinissamut aningaasartuutissat suleqatigiissitap qulaajassavaattaaq.
Aallartitat siulittaasuat Vivian Motzfeldt
Imm./pkt.: 166
Siull. UKA 2020
Aappass. UKA 2020
Aappass. UKA 2020
Nunat avannarliit killiit akornanni inuusuttut piffissami aalajangersimasumik killilikkami aalajangersimasumik akikitsumik akeqartillugu angalasinnaanngortillugit aaqqissuussinermik ”interrail’itut” ittumik pilersitsisinnaanermik – imaluunniit allatut assersuutigalugu angalanermut tapiissutinik legatinik pilersitsinikkut nunat avannarliit killiit inuusuttunut ammaannissaannut periarfissanik misissueqqullugit Nunat Avannarliit Killiit Siunnersuisoqatigiiffiata Savalimmiuni, Kalaallit Nunaanni aamma Islandimi Naalakkersuisut kaammattorpai.
Aallartitat siulittaasuat Vivian Motzfeldt
Imm./pkt.: 167
Siull. UKA 2020
Aappass. UKA 2020
Aappass. UKA 2020
Nunani Avannarlerni Killerni “Immamik Minguitsuutitsinermut Nersornaammik” pilersitsinissamik aningaasaliinissamillu taperseeqqullugit Savalimmiuni, Kalaallit Nunaanni aamma Islandimi Naalakkersuisut Nunat Avannarliit Killiit Siunnersuisoqatigiiffiannit kaammattorneqarput, taanna piujuaannartitsinermik tunngaveqarluni immamit pisuussutinik aqutsinissamik atuinissamillu kiisalu immami avatangiisit peqqissuunissaasa pisuussuteqarluarnissaasalu nukittorsarneqarnissaanik immikkut suliniuteqartunut iliuseqartunullu tunniunneqartassaaq.
Aallartitat siulittaasuat Vivian Motzfeldt
Imm./pkt.: 168
Uunga siunnersuut: Inatsisartut Naalakkersuisullu pillugit Inatsisartut inatsisaata allanngortinneqarneranik Inatsisartut inatsisaat, nr. xx, uu. qqqq 2020-meersoq. (Naalakkersuisunut apeqqutit)
Inatsisartut Siulittaasoqarfiat
Imm./pkt.: 170
Siull. 12/11-2019
Aappassaaneerinninnermi allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq.
Inuussutissarsiutigalugu piniartut nannuttamik amiinik qapiartitsisarnerannut suliaritinneqarneranut akiusut malillugit akilerneqartarneranut akiliutaasup 50%-anik taperneqartarlernissaannik, ilanngullu angallannera Naalakkersuisut peqquneqarnissaannik Inatsisartut aalajangiiffigisassaattut siunnersuut. Nunat tamalaat nannut amiinik piniartut niueruteqarsinnaanerat inerteqqutigaat, tamaalilluni piniartut nannut amiinik tunisisinnaanerannut periarfissaarunnerannut taarsiutitut tapiissutip siunertaqarpoq.
Inatsisartunut ilaasortaq Jens NapãtôK´, Partii Naleraq
Imm./pkt.: 193
(Imm. 193 aamma 95 ataqatigiisillugit suliarineqassapput)
Qanoq iliorluni coronavirusip nunatta aningaasaqarneranut eqquinerllunnera annikinnerpaamiitsinniarlugu nunatsinneersunik atuinerup annertunerpaamiitsissinnaanera pillugu apeqquteqaat aallaavigalugu oqallisissiaq.
Siumup Inatsisartunut ilaasortaatitai
Imm./pkt.: 211
Siull. 7/11-2019
Kalaallit qimmiata aammalu qimussersuartoqartarneratalu qanoq ililluni kulturikkut piujuartinneqarsinnaaneri pillugit Naalakkersuisut misissueqqullugit peqquneqarnissaannik inatsisartut aalajangiiffigisassaatut siunnersuut. Susassaqartut peqatigalugit misissuineq ingerlanneqassaaq, misissuinerlu inatsisartunut agguaanneqarumaarluni.
Inatsisartunut ilaasortaq Doris J. Jensen, Siumut